ESTES DÍAS TRABALLAMOS ARREO!

Nos últimos días, e sempre que o tempo nolo permitiu, traballamos arreo no horto da escola coa intención de deixar todo libre para poder montar o novo horto:

• Arrincamos as malas herbas e retiramos a tela verde das pequenas parcelas que había delimitadas no anterior horto.

• Desmontamos as pezas de goma que conformaban as pasarelas de paso no chan e carrexámolos para a entrada do horto, onde os amontonamos para facilitar a súa recollida polas persoas que recollen o lixo para levar ao Punto Limpo.

Eran moitas, escondían unha morea de bichos polo seu fondo e non sabedes como pesaban! Quedamos ben cansos por certo!

 

• E tamén aproveitamos para retirar as fresas do caixón grande para despois trasplantar no novo horto, cortar as hedras dos muros, sacar as malas herbas do caixón grande e comezar a retirar a terra nun montón para o medio deste para despois poder instalar os novos caixóns que xa temos encargados!

Como vedes, non paramos de traballar en ningún momento! Ás probas nos remitimos! 

E pode que a veces mancharamos algo as beirarrúas e a entrada da escola, pero nada grave, a que non?

Ben, ás veces igual manchamos máis do debido 🙈.

REMODELAMOS O HORTO!

O horto do noso cole sufriu numerosas transformacións nos últimos anos e, o feito de que nunca se acabara de concluír e o pouco que se empregou últimamente, xunto coa desfeita que deixaron os albaneis que estiveron traballando durante o verán no cole, fixo que o seu estado se deteriorara moito, tal e como podedes ver nas seguintes imaxes:

Sí, iso que vedes aí era un dos nosos composteiros...

E como queriamos plantar un mogollón de cousas no horto e aproveitar gran parte dos residuos orgánicos xerados nos recreos e na cociña do comedor da escola para crear compost no composteiro, decidimos remodelalo enteiro!

Traballamos arreo durante estas dúas últimas semanas no tempo de recreo, pero aínda nos queda moito traballo. E iso que recibimos moita axuda por parte do Concello de Xove, que nos levou todo o lixo que xuntamos para o punto limpo, nos desfixo os horteiros vellos e nos fregou as aceras! 

Que vos parece polo dagora o progreso? Máis limpo e ordenado está, non si?