Uns días antes das vacacións de Semana Santa tamén recibimos un novo composteiro (o cuarto) que solicitáramos facía uns cantos días a SOGAMA, para poder deixar a zona de compostaxe lista para os próximos cursos e non ter que volver a preocuparnos dela.
Despois de desempaquetalo trasladamos todas as pezas ata o horto e, unha vez alí, montámolo!
Ao principio a montaxe resultounos un pouco complicada porque as pezas estaban tortas e non encaixaban ben, pero unha vez endereitadas entendimos ben como se montaba e foi pan comido para nós!
Despois procedimos a rematar de fixar a tea antiherbas no chan e a cortar dous buratos nela, un para cada un dos novos composteiros, para que os produtos para compostar queden en contacto coa terra e os organismos descompoñedores poidan acceder facilmente ao interior deles.
Por último, esnaquizamos varias ramas e restos de poda que tiñamos gardadas e cubrimos todo o fondo dos dous composteiros, tal e como recomendaban as guías sobre compostaxe doméstica que limos.
E sabedes quen nos acompañou durante todo o proceso? Pois si, a gatiña, que aproveita calquera momento para buscar uns mimos! E nós encantadas e encantados, claro!
Ningún comentario:
Publicar un comentario